Heyvandarlığın inkişafı ilə bağlı yeni güzəştlər – ATM direktoru detalları açıqladı

Ölkədə heyvandarlıq sahəsinin inkişafı ilə əlaqədar olaraq fermerlərə yeni güzəştlər tətbiq ediləcək.

Ölkə.az xəbər verir ki,  bunu Aqrar Tədqiqatlar Mərkəzinin direktoru Rəşad Hüseynov Milli Məclisin Aqrar siyasət komitəsində keçirilən “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı”ndan irəli gələn vəzifələr barədə ictimai dinləmədə deyib.
Onun sözlərə görə, heyvandarlıq sahəsində tətbiq olunacaq subsidiya mexanizmlərinin böyük əksəriyyəti yenidir. “Bu çərçivədə kəsimxanalarda kəsilən heyvanlara məhsul subsidiyasının tətbiqi, emala cəlb olunan südə məhsul subsidiyası, müddətli vergi və gömrük güzəştləri nəzərdə tutulur”, - o vurğualyıb.

R.Hüseynov onu da əlavə edib ki, cins heyvanların ümumi süd istehsalında payının mövcud 2,5 faizdən 10 faizə çatdırılması nəzərdə tutulur. “Bu tədbirlər nəticə etibarilə özünütəminetmə səviyyəsinin yaxşılaşdırılmasına da mühüm töhfə verəcək. Belə ki, süd üzrə özünütəminetmə səviyyəsinin 81 faizdən 94 faizə, mal əti üzrə isə 83,7 faizdən 100 faizə çatdırılması hədəflənir, - R. Hüseynov qeyd edib.

Direktor bildirib ki, paralel olaraq emal sənayesinə investisiya cəlb edilməsi məqsədilə təşviq mexanizmləri də tətbiq ediləcək

Mürtəza