Yerli kadr hazırlanmalıdır, xaricdən gələn kadra 30-40 min manat verilir - Deputat

Aqrar Universitetin filialının Qubada açılması aqrar sahənin inkişafına öz töhfəsini verə.

Ölkə az xəbər verir ki, bunu deputat Əlibala Məhərrəm zadə parlamentdə “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026-2030-cu illər üçün Dövlət Proqramı”ndan irəli gələn vəzifələr barədə ictimai dinləmədə deyib.

Onun sözlərinə görə, Qubavə ətraf rayonlar aqrar cəhətdən inkişaf etmiş bölgədir. "Burada aqrar sahədə çalışan xeyli mütəxəssislər var və bu sahədə yeni mütəxəssislərə ehtiyac var. Aqrar Universitetin filialının açılması mütəxəssislərin yetişməsinə aqrar sahədə ənənələrin qorunması baxımdan mühüm əhəmiyyət kəsb edir",- deputat bildirib.

Deputat onu da əlavə edib ki, kənd təsərrüfatı və aqrar sahənin inkişafı bu sahədə çalışan mütəxəssislərlə yanaşı, müasir texnologiyaların tətbiqi baxımdan önəmlidir. "Ona görə də bu sahədə də mütəxəssislərə və kadrlara ehtiyac var.  Onu qeyd etmək istəyirəm ki, bu sahədə yerli kadr olmadığından xaricdən çox yüksək maaşla işləməyə dəvət edirlər. Onlara 30-40 min manat maaş verilir. Mən yetərincə belələrini tanıyıram. Ona görə də bu sahədə yerli kadrların hazırlanmasına ciddi ehtiyac var.  Odur ki, biz kənd təsərrüfatı və aqrar sahədə kadrların hazırlanması prioritet olmalı və bu məsələdə təbliğat-təşviqat işlərinə ehtiyac var. Çünki yerli kadr olmadığından xaricdən dəvət edirik və bu da çox baha başa gəlir. Nəticədə aqrar sahədə istehsal olunan məhsulun qiymətinə təsir edir. Yerli kadr yetişdirməliyil ki, ənənə itməsin. Kadr isə 1-3 ilə yetişmir. Bu sahəyə diqqət yetirilməlidir",- deputat bildirib.

Mürtəza