Azərbaycanda zavod işçilərinə güzəştli səhm satmağa başladı
Ölkə.az valyuta.az-a istinadən xəbər verir ki, səhmdar cəmiyyətinin nizamnamə kapitalı 1 696 100 manat təşkil edir.
Müəssisə üzrə ümumilikdə 848 050 ədəd səhm buraxılıb. Onlardan 127 208 ədədi əmək kollektivinə güzəştli satışa çıxarılıb. Bir səhmin nominal dəyəri 2 manatdır.
Özəlləşdirmə komissiyasının elanına əsasən, əsas iş yeri həmin müəssisə olan işçilər, Azərbaycan Respublikasının qanunvericiliyinə uyğun olaraq müəssisəyə əvvəlki iş yerinə qayıtmaq hüququna malik şəxslər, müəssisədə yeddi ildən çox çalışaraq oradan təqaüdə çıxmış əməkdaşlar, həmçinin 1 yanvar 1995-ci il tarixindən sonra işçilərin say tərkibinin ixtisarı nəticəsində işdən azad edilmiş və işsiz statusu almış şəxslər səhmləri güzəştlə almaq hüququna malikdirlər.
Güzəştli satış üzrə sifarişlər müəssisədə fəaliyyət göstərən özəlləşdirmə komissiyası tərəfindən 14 avqust-7 sentyabr 2026-cı il tarixlərində qəbul ediləcək.
Güzəştli satışda iştirak etmək istəyən əmək kollektivi üzvlərinin və onlara bərabər tutulan şəxslərin "Qiymətli kağızlar bazarı haqqında" Azərbaycan Respublikasının Qanununa uyğun olaraq investisiya şirkətlərində depo hesabı açmaları tələb olunur.
Güzəştli satışın yekunlarını təsdiq etmək məqsədilə 7 sentyabr 2026-cı il tarixində müəssisədə iştirakçıların ümumi yığıncağı keçiriləcək. Yekun sənədlər daha sonra Hərracların Təşkili Mərkəzi publik hüquqi şəxsinə təqdim ediləcək.
Qeyd olunur ki, müəyyən edilmiş müddətdə güzəştli satış baş tutmadığı halda, həmin səhmlər qanunvericiliyin tələblərinə uyğun qaydada istifadə ediləcək.
Güzəştli satış zamanı yeganə ödəniş vasitəsi Azərbaycan manatı olacaq.
