Bakı-Tbilisi qatarında biletlərə endirim gözlənilirmi?
Ölkə.az xəbər verir ki, bunu “Azərbaycan Dəmir Yolları” QSC-nin (ADY) Sərnişindaşımalar departamentinin rəisi Azər Fərəcov media üçün keçirilən brifinq zamanı deyib.
Departament rəisi sərnişinləri maraqlandıran qiymət məsələsinə toxunaraq bildirib ki, Bakı-Tbilisi-Bakı qatarı üçün biletlər onsuz da hazırda mümkün olan ən minimal qiymətlərlə satışa çıxarılıb.
O qeyd edib ki, Bakı-Tbilisi-Bakı istiqaməti üzrə hərəkət edən qatarlara daha öncə istifadə olunmuş, yəni köhnə vaqonların qoşulması sərnişinlər üçün heç bir risk və ya təhlükə təşkil etmir.
ADY rəsmisi bildirilib ki, sözügedən proses tamamilə texniki istismar qaydalarına uyğundur:
“Qoşulan vaqonlar qatarın ümumi sürətinə və funksionallığına tam uyğunlaşdırılıb və hərəkət heyətinin təhlükəsizliyinə heç bir mənfi təsir göstərmir”.
