Yol polisi 61 milyonluq cərimə yazıb
Cari ilin yanvar-sentyabr aylarında yol-hərəkəti qaydaları əleyhinə 2231,6 min və ya 2015-ci ilin eyni dövrü ilə müqayisədə 22,5 faiz çox inzibati xəta aşkarlanıb.
Ölkə.Az xəbər verir ki, bu barədə məlumat Dövlət Statistika Komitəsinin rəsmi saytında yerləşdirilib.
Qeyd olunub ki, xətaların 51,8 faizi yolda müəyyən edilmiş hərəkət sürəti həddinin aşılması, 10,7 faizi dayanma və ya durma qaydalarının pozulması, 4,5 faizi yol ayrıcını keçmə, 4,2 faizi yol nişanlarının və ya yolların hərəkət hissəsinin işarələrinin tələblərinə riayət edilməməsi, 4,2 faizi təhlükəsizlik kəmərini bağlamadan nəqliyyat vasitəsinin idarə olunması, qalan hissəsi isə digər səbəblərlə əlaqədardır.
Qaydaların pozulmasına görə 61,3 milyon manat məbləğində cərimə tətbiq edilib.
