“Zaxarova Azərbaycandan etdiyi xahişi səsləndirməli idi”
Bunu “Ölkə.az”a açıqlamasında hərbi-siyasi ekspert Ədalət Verdiyev Azərbaycan-Ermənistan dövlət sərhədində baş verən təxribatla bağlı danışarkən deyib.
O bildirib ki, Azərbaycan tərəfindən atəş açılmaması daha məqsədəuyğundur:
“Təbii ki, bu dəfə Azərbaycan tərəfinin təmkin nümayiş etdirməsi və gələcək bu kimi hadisələr zamanı daha kəskin cavab veriləcəyi ilə bağlı bəyanat verməsi diplomatik baxımdan daha doğrudur. İstənilən halda ermənilər özlərini daha çətin hala salmamaq üçün əllərindən gələni etməməlidirlər”.
Ə.Verdiyevin sözlərinə görə, alçaldılmış və əzilmiş erməni ordusu 5-10 güllə atması onların yalnız əleyhinə ola bilər:
“Onlar növ münaqişənin yenidən alovlanması və daha çox ermənin Azərbaycan məhkəməsi qarşısına çıxması ilə nəticələnə bilər. Rusiya xarici işlər nazirliyinin verdiyi bəyanat isə təbii ki, Azərbaycan tərəfini heç bir halda qane edə bilməz”.
Ekspert söyləyib ki, Mariya Zaxarova atəş açan tərəfin kim olduğunu və Azərbaycandan etdiyi xahişi səsləndirməli idi:
“Əfsuslar olsun ki, burada Mariya xanım sanki hər iki tərəfin bu münaqişədə günahkar olduğunu önə sürməyə çalışıb. Bu isə tərəfimizdən qəbuledilən deyil. Mariya xanım bu açıqlamalarında “İsgəndər M” raketinin necə və hansı yollarla Ermənistana verilməsinə də toxunmalı idi. Təəssüf ki, üstündən aylar keçməsinə baxmayaraq biz hələ də Rusiya tərəfindən məntiqli və ağlabatan açıqlama görmürük”.
Billurə Yunus
Ölkə.az
