KTMT-dən Qarabağ açıqlaması: \"Bu, kifayətdir...\"

“Qarabağla bağlı razılaşmalar bölgədə son siyasi həll üçün kifayətdir. Hazırda tərəflər arasında konstruktiv dialoq qurmaq meyli var”.

“Ölkə.Az”a xəbər verir ki, bunu Kollektiv Təhlükəsizlik Müqaviləsi Təşkilatının (KTMT) Birgə Qərargah rəisi general-polkovnik Anatoli Sidorov keçirdiyi brifinqdə deyib.

“Rusiya Federasiyasının vasitəçiliyi ilə hərbi əməliyyatlar dayandırılıb. İndiyə qədər əldə edilən razılaşmalar Qarabağ ətrafındakı böhranın siyasi yolla sona çatması üçün lazımi şərtlərin formalaşmasına töhfəsini verir”, - Sidorov bildirib.

Onun sözlərinə görə, 2021-ci ilin may ayından bəri atəşkəsin vaxtaşırı pozulmasına baxmayaraq, hazırda tərəflər arasında konstruktiv dialoqun qurulması istiqamətində davamlı tendensiya var.

Mürtəza
Ölkə.Az