Azərbaycanlı "oğrular" "Matrosskaya tişina"nı bir-birinə qatdılar

Ölkə.az Rusiya mediasına istinadən xəbər verir ki, Moskvanın "Matrosskaya tişina" izolyatorunda azərbaycanlıların iştirakı ilə əlbəyaxa dava baş verib.

Məlumata görə, başda məşhur killer Nazim Hümbətov və Lənkəranlı Ərdak olmaqla bir qrup azərbaycanlı "avtoritet", başqa azərbaycanlı "avtoritet" Zayka ləqəbli Zaur Əliyevin saxlandığı kameraya soxularaq onu vəhşicəsinə döyüblər.

Kriminal dairələrə yaxın mənbənin Ölkə.az-a verdiyi məlumata görə, Zaur Əliyevin linç edilməsi səhnəsi mobil telefonlara çəkilib və Skype vasitəsi ilə translyasiya olunub.

Mənbə bildirir ki, Zaur Əliyevin döyülməsi səhnəsini Skype vasitəsi ilə Bakıda cəzasını çəkdiyi həbsxanadakı kamerasında Qulu ləqəbli kriminil "avtoritet" Nadir Səlifov izləyib. Məlumatda Zaur Əliyevin Nadir Səlifovun əmri ilə döyüldüyü bildirilir.

Mənbə daha sonra məlumat verir ki, daha sonra, dekabırın 2-də "Matrosskaya tişina"da "vəziyyətə nəzarət edən" gürcü oğrusu Nukri Doçiya başda olmaqla diğər qrup killer Nazim Hümbətovu və Ərdək Lənkəranlını "bespredelə" görə cəzalandırıblar. Hazırdan 10-a yaxın adamın müxtəlif dərəcəli bədən xəsarətləri ilə izolyatorun sanitar bölməsində yatdığı bildirilir.

Ölkə.az