Həbs edilən Səudiyyə şahzadələrinin var-dövləti dünyanı ŞOKA SALDI
Səudiyyə Ərəbistanı kralı həbs edilən şahzadələrin 800 milyard dollarlıq sərvətini müsadirə edəcək.
"Ölkə.Az" xəbər verir ki, həbs edilmiş şahzadə və 50 dövlət məmurunun ümumi sərvətinin dəyəri 800 milyard dollardır. Vəsait korrupsiya ilə mübarizə adı altında Səud kralına veriləcək.
Ötən həftə sonu Səudiyyədə 60 nəfər saxlanılıb. Onlar arasında şahzadə, dövlət məmuru və nüfuzlu iş adamları var. Saxlanılanlar çirkli pulların yuyulmasında, rüşvətxorluqda, vəzifə səlahiyyətlərindən sui-istifadədə, dövlət büdcəsini talamaqda ittiham edilirlər. Səudiyyənin Mərkəzi Bankı korrupsiya qalmaqalında saxlanılanların bank hesablarını dondurub.
Müsadirə edilən sərvətin böyük hissəsi xaricdədir. Bu isə müsadirə işini çətinləşdirəcək. Vəsait Səudiyyənin çətin maliyyə vəziyyətini normallaşdıra bilər.
Hikmət Həsənov
Ölkə.Az
