Tramp Suriyadan çıxmaq üçün Səudiyyə kralından 4 milyard dollar istəyib
ABŞ-da nəşr edilən “Washington Post” yeni iddia ilə çıxış edib.
“Ölkə.Az” xəbər verir ki, qəzetin iddiasına əsasən, Donald Tramp Suriyadan çıxmaq üçün Səudiyyə Ərəbistanı kralı Salmandan 4 milyard dollar istəyib.
Qəzetin xəbərinə əsasən, tərəflər arasında danışıq dekabr ayında telefon vasitəsilə baş tutub. Tramp Suriyadan ABŞ hərbi kontingentini çıxarmaq üçün 4 milyard dollar istəyib. İddiaya əsasən, tərəflər bu mövzuda razılığa gəliblər. Ağ Ev Suriyada sabitliyi bərpa etmək üçün Səudiyyən pul, digər ölkələrdən isə dəstək istəyib.
Tramp isə İŞİD-ə qarşı qələbənin elan edilməsinin yaxın olduğunu və bu səbəbdən ABŞ əskərlərini bölgədən çəkməyə müsbət yanaşdığını bildirib.
Hikmət Həsənov
Ölkə.Az
