“Avropa İttifaqından dəstək gözləyirik”

"Ölkə.Az" xəbər verir ki, bu sözləri Bolqarıstanın Varna şəhərində Aİ liderləri Donald Tusk, Jan-Klod Yunker və Boyko Borisovun da iştirak etdiyi Türkiyə-Avropa İttifaqı müzakirələrindən sonra təşkil olunan mətbuat konfransında Türkiyə prezidenti Rəcəb Tayyip Ərdoğan deyib.

O bildirib ki, Aİ ilə əvvəlki görüşlərdə atılacaq addımlar əvvəlcədən müəyyənləşdirilib.

“Türkiyənin nizamsız köç başda olmaqla bütün vəzifələrini yerinə yetirdiyi məlumdur. Çətin dövrü geridə buraxmağa ümid edirik. Bu addım ölkəmizdəki suriyalılara daha çox rahatlıq gətirəcək. Avropa İttifaqının bu diqqəti bizim işimizi də sürətlədirəcək”, - deyə Ərdoğan vurğulayıb.

Türkiyə prezidenti Aİ ilə sərbəst viza rejiminin tətbiqi və terrorizmlə mübarizə barəsində də müzakirələrin aparıldığını qeyd edib.

Ölkə.Az