İrandan dünya dövlətlərinə çağırış: “Terrorla mübarizədə Əfqanıstana kömək edin”
İran Əfqanıstana terrorla mübarizədə kömək üçün dövlətləri səylərini birləşdirməyə çağırıb.
“Ölkə.Az” xəbər verir ki, bunu Daşkənddə Əfqanıstan üzrə keçirilən beynəlxalq konfransda İranın XİN rəhbərinin müavini Abbas Arakçı bildirib.
Onun sözlərinə görə, Əfqanıstan, Suriya və İraqda fəaliyyət göstərən terror qruplaşmaları regionda vəziyyəti qəlizləşdirir.
“Mən qeyd etmək istəyirəm ki, Əfqanıstanı dəstəkləmək üçün bütün ölkələr əməkdaşlıq etməlidir. Əgər biz birləşsək, terroru məhv edə bilərik”, - deyə iranlı diplomat bildirib.
Arakçı əlavə edib ki, terrora qarşı mübarizə əməkdaşlıq tələb edir.
Hikmət Həsənov
Ölkə.Az
