Bakıda narkotik satan iranlıya hökm oxundu

İran İslam respublikasının vətəndaşı, 1969-cu il təvəllüdlü Gonbari Albari Ahad Abbas oğlunun cinayət işi üzrə məhkəmə prosesi keçirilib.

“Ölkə.Az” xəbər verir ki, bu gün Bakı Ağır Cinayətlər Məhkəməsində hakim Eldar İsmayılovun sədrliyi ilə baş tutan prosesdə təqsirləndirilən şəxsə hökm oxunub.

Məhkəmənin hökmü ilə Gonbari Albari 9 il 6 ay müddətinə azadlıqdan məhrum edilib.

Qeyd edək ki, prokuror Gonbari Albarinin 10 il 6 ay müddətinə azadlıqdan məhrum edilməsini təkli edib.

İttihama görə, Gonbari Albari İrandan Azərbaycana psixotrop maddə gətirib. O, həm psixotrop maddənin satışında, həm də istifadəsində təqsirli bilinib.

Gonbari Albari məhkəmədə ittihama münasibət bildirərkən özünü qismən təqsirli bildiyini deyib. O qeyd edib ki, psixotrop maddənin istifadəçisi olub, amma satış məqsədilə əldə etməyib.

Gonbari Albari bildirib ki, üzərindən aşkar edilən maddə İranda apteklərdə açıq şəkildə satışdadır və dərman kimi istifadə olunur:
“Həmin dərmanın Azərbaycanda psixotrop maddələr siyahısında olduğundan məlumatım yox idi”.