Bakıda maşın ustası bədbəxt hadisə nəticəsində dünyasını dəyişib
Nizami rayonunda yerləşən avtoservislərin birində ölüm faktı qeydə alınıb.
“Ölkə.Az”a verilən məlumata görə, Novruzov Vasif Nazim oğlu “VAZ-21099” markalı avtomobilin içində yatan zaman qazdan zəhərlənərək ölüb.
Onun meyitini səhər işə gələn iş yoldaşları müəyyən edib. Hadisə yerinə gələn rayonun hüquq-mühafizə orqanlarının əməkdaşları araşdırma zamanı müəyyən ediblər ki, V.Novruzov avtomobili işlək vəziyyətdə qoyaraq yuxulayıb və nəticədə məlum hadisə baş verib.
Qeyd edək ki, V.Novruzov avtoservisdə usta kimi çalışıb.
Faktla bağlı Nizami rayon prokurorluğunda araşdırmalara başlanılıb.
