İsmayıllıda itkin düşən 11-ci sinif şagirdi tapıldı

Dünən səhər saatlarında İsmayıllı rayonunda evdən çıxaraq oxuduğu məktəbə gedən və geri qayıtmayan 2000-ci il təvəllüdlü Nağıyev Bilal Elçin oğlu tapılıb.

"Ölkə.Az"ın APA-ya istinadən xəbərinə görə, bir sutka ərzində övladını tapa bilməyən valideynlər bu gün İsmayıllı rayon Polis Şöbəsinə ərizə ilə müraciət ediblər. Bilal Nağıyev itkin kimi qeydiyyata alınaraq onun axtarışına başlanılıb. Bu barədə mətbuat orqanları və telekanallarda məlumat verildikdən sonra Bilal Nağıyev tapılıb. Onun səhhətində heç bir problemin olmadığı bildirilir. Valideynlərinə təhvil verilən B.Nağıyev yaşadığı evə qayıtsa da, bir sutka ərzində harada olması barədə heç bir məlumat verməyib.

Faktla bağlı İsmayıllı Rayon Polis Şöbəsi tərəfindən araşdırma aparılır.

***

İsmayıllı rayonunda 18 yaşlı gənc itkin düşüb.

DİN-in Mətbuat Xidmətinin Şəki regional qrupundan "Ölkə.Az"a verilən xəbərə görə, 2000-ci il təvəllüdlü Bilal Nağıyev martın 27-də səhər saatlarında rayonun İsmayıllı kəndində yaşadıqları evdən məktəbə getmək adı ilə çıxıb və geri qayıtmayıb. Bilal Nağıyevin əlamətləri: Boyu 180 sm, arıq bədən quruluşlu, xüsusi əlamət kimi sifətinin sağ tərəfində çapıq var.

O, evdən çıxarkən əynində qırmızı rəngli jaket, göy rəngli qolsuz gödəkçə, qara rəngdə cins şalvar olub. Həmin şəxsi görənlərdən İsmayıllı Rayon Polis Şöbəsi, eləcə də 020-28-5-11-89, 055 268 07 67 nömrələri ilə əlaqə saxlamaları xahiş olunur.