Şəmkirdə ağır qəza
Şəmkir şəhərində ölümlə nəticələnən yol qəzası baş verib.
“Ölkə.Az”a rayonun hüquq-mühafizə orqanlarından verilən məlumata görə, hərəkətdə olan “VAZ-2104” markalı avtomobilin başqa bir maşınla toqquşması nəticəsində “VAZ”-ın sürücüsü bədən xəsarətləri alaraq xəstəxanaya yerləşdirilib. Avtomobildə olan sərnişin, sürücünün həyat yoldaşı, 60 yaşlı Liba Niftəliyeva isə xəstəxanaya çatdırılan zaman yolda dünyasını dəyişib.
Faktla bağlı Şəmkir RPŞ-də cinayət məcəlləsinin 263.2-ci maddəsi ilə cinayət işi başlanıb, hüquq-mühafizə orqanları tərəfindən araşdırmalar davam etdirilir.
