3 gün əvvəl baş verən qəzada xəsarət alan dünyasını dəyişdi
Xəzər rayonunda avtobusla “VAZ-2106” markalı avtomobilin toqquşması nəticəsində sonuncu avtomobilin sürücüsü ağır xəsarət alıb.
“Ölkə.Az”a verilən məlumata görə, 31 martda 3 saylı şəhər xəstəxanasına çatdırılan sürücü Tağızadə Tamerlan Əlif oğlu həkimlərin səylərinə baxmayaraq, ötən gün dünyasını dəyişib.
Meyit müayinə olunmaq üçün Məhkəmə Tibbi Ekspertiza və Pataloji anatomiya Birliyinin Xəzər rayon şöbəsinə aparılıb.
Faktla bağlı Xəzər rayon prokurorluğunda cinayət məcəlləsinin 263.2-ci madəsi ilə cinayət işi başlanıb.
