Səhiyyə Nazirinin müavini dünyasını dəyişdi
“Ölkə.Az”a Səhiyyə Nazirliyinin mətbuat xidmətindən verilən məlumata görə, ötən gecə 71 yaşlı Vəlibəyov Abbas Soltan oğlu ürək tutmasından dünyasını dəyişib.
Bərdə şəhərində dünyaya göz açan A.Vəlibəyov Azərbaycan Dövlət Tibb İnstitutunun sanitariya- gigiyena fakultəsini bitirib. 47 ildən artıq səhiyyə sahəsində çalışan Abbas müəllim 1990-cu ildə Azərbaycan Respublikası Səhiyyə nazirinin müavini, Respublika Gigiyena və Epidemiologiya mərkəzinin baş direktoru, 1993-cü ildən isə Respublika Gigiyena və Epidemiologiya mərkəzinin baş direktoru təyin olunub. 1999-cu ildən bu günə kimi Səhiyyə Nazirinin müavini, Azərbaycan Respublikası baş Dövlət Sanitar həkimi vəzifəsində çalışıb. 1980-ci ildən Azərbaycan Respublikası Səhiyyə Nazirliyi Kollegiyasının üzvüdür. Sosial gigiyena və epidemiologiya üzrə ali dərəcəli həkimdir. Epidemioloqlar, mikrobioloqlar və parazitoloqlar Elmi Cəmiyyəti Rəyasət Heyətinin, eləcə də gigiyenist və sanitar həkimlər Ümumittifaq Elmi Cəmiyyətinin İdarə heyətinin üzvü seçilib. 2000-ci ildə “Əməkdar həkim” fəxri adı ilə, 2013-cü ildə “Tərəqqi” medalı ilə təltif edilib.
Allah rəhmət eləsin.
