Urmiya gölünün yarısı quruyub

“Ölkə.Az” xəbər verir ki, dünyanın ikinci ən böyük duzlu gölü olan Urmiya gölü sürətlə quruyur. Gölə 6 milyard dollarlıq büdcə ayrılsa da, qurumanın qarşısını almaq mümkün olmayıb.

İranlı rəsmilər bildirirlər ki, quraqlıq səbəbindən hər il göl 23 km kiçilir. Urmiya gölü quraqlıqdan əvvəl 5 min 200 km-lik sahəni əhatə edirdi. Günümüzdə isə, bu rəqəm 2 min 276 kv. km-ə qədər azalıb.

Verilən məlumata görə, gölün dərinliyi il ərzində iki santimetr azalır. Ən dərin nöqtəsi 16 metr olan göl, böyük bir sürətlə quruyur.

Qeyd edək ki, seçkilərdən əvvəl gölü canlandıracağı barədə vəd verən Həsən Ruhani hələ də sözünü tutmayıb. Ruhani hökuməti 10 il ərzində gölü keçmiş vəziyyətinə qaytarmaq üçün 6 milyard dollarlıq büdcə ayırsa da, nəticə hələ də yoxdur.

Hikmət Həsənov
Ölkə.Az