Məzahir Pənahov: “Seçkilərdə fəallıq gözləyirəm”
MSK sədri Məzahir Pənahov Rusiyanın nüfuzlu “RİA Novosti” xəbər portalına müsahibə verib.
“Ölkə.Az” xəbər verir ki, Pənahov müsahibəsində 11 aprel prezident seçkilərində seçicilərin yüksək fəallığını gözlədiyini bildirib.
MSK sədri qeyd edib ki, cəmiyyətdə seçkilərə yüksək maraq müşahidə edilir. Onun sözlərinə əsasən, 11 partiya seçkilər üçün müşahidəçilərini qeydiyyatdan keçirib.
“Yuxarıda sayılanları nəzərə alsaq, düşünürəm ki, seçicilərin aktivliyi yüksək olacaq. Bir qayda olaraq, prezident seçkilərində seçicilərin yüksək aktivliyi müşahidə edilir”, - deyə MSK sədri bildirib.
2013-cü ildə seçicilərin aktivliyi 72%, 2003-cü ildə 62%, 2008-ci ildə isə 75% olub.
Pənahov bildirib ki, MSK-da 900-dən çox beynəlxalq və 60 min yerli müşahidəçi qeydə alınıb. 21 ölkənin 118 KİV əməkdaşı seçkiləri işıqlandıracaq.
Hikmət Həsənov
Ölkə.Az
