Arktikada dünyanın ilk buzaltı duzlu gölü kəşf edildi
“Ölkə.Az” xəbər verir ki, gölün dənizlərlə əlaqəsi yoxdur.
Tədqiqatçılar ümid edirlər ki, bu göllərdə unikal ekosistemlə qarşılaşacaqlar.
Dünyada 400 buzaltı göl var. Onların böyük əksəriyyəti Antarktidada, bir neçəsi isə Qrenlandiyada yerləşir. Alimlərin fikrinə görə, bu göllərin hamısı şirin suludur.
“Biz buzaltı göl axtarmırdıq. Bu ərazidə buz qrunta ilişib. Bu səbəbdən maye su tapmağa ümid etmirdik”, - deyə tədqiqatçı Anya Rutişauzer bildirib.
Radarlar 550-750 metr dərinlikdə su hövzəsi aşkar edib. Tempratur isə mənfi 10 dərəcə olub. Belə tempraturda donmayan su, dəniz suyundan 4-5 dəfə duzlu olmalıdır.
Tədqiqatçılar 5 və 8 kvadrat kilometr ərazisi olan iki göl aşkar ediblər. Alimlərin fikrinə əsasən, əgər göllərdə mikrob orqanizmi varsa, ən azı 120 min ildir ki, buzun altındadır.
Hikmət Həsənov
Ölkə.Az
