CNBC: ABŞ Suriyaya zərbə üçün səkkiz potensial hədəf müəyyənləşdirib
ABŞ Donald Trampın Duma şəhərində kimyəvi silahdan istifadə iddialarına cavab olaraq güc tətbiq etməyə qərar verəcəyi təqdirdə Suriyada səkkiz hədəf müəyyən edib.
“Ölkə.Az” xəbər verir ki, bu barədə "CNBC" telekanalı məlumat yayıb.
Xəbərdə bildirilir ki, səkkiz potensial hədəfdən ikisi hərbi aerodrom, bir araşdırma mərkəzi və ehtimal ki, kimyəvi silah qurğularıdır. Bu obyektlərin Suriyanın hansı ərazilərində yerləşdiyi açıqlanmır.
Qeyd edək ki, ABŞ donanmasının Aralıq dənizinə göndərdiyi “USS Harry Truman” təyyarə gəmisi və digər hərbi gəmilər Norflok bazasından yola çıxıb. Təyyarədaşıyanla birlikdə 7 hərbi gəmi Aralıq dənizi istiqamətində hərəkətə başlayıb.
Minlərlə amerikalı hərbçi ailələri ilə vidalaşıb. Cənubi Kiprin Larnaka limanından ayrılan “USS Donald Cook” hərbi gəmisi də istiqamətini dəyişib.
Ölkə.Az
