Məşhur marketlərdə yağ oğruları peyda olub
Son zamanlar Bakının məşhur marketlərində oğurluq halları çoxalıb.
“Ölkə.Az”ın xəbərinə görə, Yasamal rayonu, Naxçıvani küçəsi 15-də yerləşən “Favorit” marketdə aprel ayının 28-də xeyli miqdarda kərə yağı oğurlanıb.
Ötən gün isə hadisəni törətməkdə şübhəli bilinən Şamil Ağayev adlı şəxs polis əməkdaşları tərəfindən saxlanılıb.
Digər oğurluq faktı isə “Araz” marketdə qeydə alınıb. Xətai rayonu, Bağırov küçəsi 25-də yerləşən marketin filialında kərə yağı oğurlayan Zaur Məmmədov mühafizəçi tərəfindən saxlanılıb və polisə təhvil verilib. Araşdırmalar zamanı məlum olub ki, Z.Məmmədov əvvəllər də oğurluq maddəsi ilə məhkum olunub.
Hər iki faktla əlaqədar oğurluq maddəsi ilə cinayət işi başlanıb.
