Bakının əsas küçələrindən biri bağlanır
Bu gün Bakının əsas küçələrindən birində avtomobillər üçün hərəkət məhdudlaşdırılacaq.
"Ölkə.Az"ın məlumatına görə, Xətai rayonu, Yusif Səfərov küçəsinin Neftçilər prospekti ilə kəsişməsindən Heydər Əliyev prospektinə doğru olan hissəsində üfüqi nişanlanma xətlərinin rənglənməsi ilə əlaqədar axşam saat 22:00-dan etibarən hərəkət tam və ya qismən məhdudlaşdırılacaq.
Alternativ olaraq sürücülər Xocalı prospekti və Nəcəfqulu Rəfiyev küçələrindən istifadə edə bilərlər. Məhdudlaşma səhər saatlarınadək qüvvədə olacaq.
