Əməkdar artist: "15 yaşımda zavodda fəhlə işləyirdim"
Gənc Tamaşaçılar Teatrının rejissoru, əməkdar artist Nicat Kazımov uşaq yaşlarında işə başladığını bildirib.
"Ölkə.Az"ın məlumatına görə, o, bu barədə "Space" telekanalında Kamran Həsənlinin aparıcılığıyla yayımlanan "Onda başladıq" verilişində danışıb: "Uşaqlığım Sumqayıtda keçib. Tətillərdə Siyəzənə nənəmgilə gedirdim. Həyət-baca işlərinə kömək edirdim, hətta sovxozda da işləmişdim".
Əməkdar artist aldığı ilk əməkhaqqı barədə isə bunları deyib:
"Sumqayıt kompressorlar zavodu var idi. Doqquzuncu sinifdən onuncu sinfə keçəndə həmin zavodda işə düzəldim. Yarımştat əməkhaqqı alırdım-ayda 74 rubl. Həmin pulla özümə o zaman dəbdə olan diplomat aldım".
Qeyd edək ki, hər gün 10-da başlayan "Onda başladıq" verilişinin informasiya dəstəkçisi "Ölkə.Az" saytıdır.
İntiqam VALEHOĞLU
Ölkə.Az
