“Qəzzada baş verən hadisələri dini zəmində qiymətləndirmək doğru deyil”
Yeni Azərbaycan Pariyası (YAP) İdarə Heyətinin üzvü, Milli Məclisinin regional məsələlər komitəsinin sədri, deputat Arif Rəhimzadə Qəzza zolağında İsrail hərbçiləri ilə fələstinlilər arasında baş verən toqquşmalara münasibət bildirib.
Komitə sədri “Ölkə.Az”a açıqlamasında deyib ki, baş verən hadisələri dini zəmində qiymətləndirmək doğru deyil:
“İsrail xristian ölkəsi deyil ki, bu hadisələri müsəlman-xristian davası kimi qiymətləndirəsən. Burada söhbət ərazilər əldə etmək və dövlətçilikdən gedir. Həm İsrail, həm də Fələstin istəyir ki, öz ərazilərini genişləndirsin.Ona görə də baş verənləri xristian-müsəlman qarşıdurması kimi qiymətləndirmək doğru olmaz”.
Xatırladaq ki, Qəzza zolağında baş verən toqquşmalarda ölənlərin sayı 55 nəfərə çatıb, 2771 nəfər yaralanıb.
Vasif Həsənli
Ölkə.Az
