Türkiyədə dəhşət

 “Ölkə.Az” xəbər verir ki, Antalyada yaşayan azərbaycanlı iş adamı yenidən evlənmək adı ilə evə gətirdiyi keçmiş arvadını fahişəliyə məcbur edib. Amma qadın etiraz etdiyi üçün iki övladının gözü qarşısında saçından sürükləyərək 11-ci mərtəbədən atmağa çalışıb.

Keçmiş ərinin əlindən qurtulan qadına və iki övladına küçə sakinləri dəstək çıxıb.

Qadının adı Sevinc Kərimovadır və Bakıdakı məktəblərin birində ibtidai sinif müəllimi işləyib. 30 yaşlı Sevinc 5 il əvvəl 34 yaşlı əri Elmirdən şiddət səbəbindən ayrılıb. Türkiyədə yaşayan Elmir bir ay əvvəl keçmiş arvadını aldadaraq “Hər şey yaxşı olacaq. Uşaqlara da baxacam” deyərək qadını, 8 və 6 yaşlı iki usağı Antalyaya aparıb.

İddiaya görə, Elmir evə gətirdiyi adamlarla keçmiş arvadını yatmağa məcbur edib. Otağın qapısını bağlayan qadın zorakılıqdan qurtulsa da, şiddətə məruz qalıb. Elmir onu dəfələrlə döyərək öldürmək istəyib.
Kərimova baş verənləri Azərbaycanın İstanbul və Antalya şəhərlərindəki konsulluğuna danışıb. O, Azərbaycana qayıtmaq üçün yardım istəyib. Sonra isə polisə zəng edərək keçmiş ərindən şikayət edib.

Hadisədən sonra qaçıb aradan çıxan Elmirin Türkiyədə başqa bir azərbaycanlı qadınla evli olduğu üzə çıxıb. 

Kərimova hazırda qonşuların himayəsində yaşayır. Qonşular pul yığaraq ona avtobus bileti alıb Azərbaycana göndəriblər.

Sevinc baş verənlərdən danışıb:

“Keçmiş ərimdən şiddətə görə ayrılmışdıq. Çənəmi və dişimi qırmışdı. Bu səbəbdən Azərbaycanda 1 il həbsxanada yatıb. Bir ay əvvəl gəlib barışmaq istədiyini dedi. Uşaqlarla birlikdə məni Antalyaya apardı. İnandım, gəldim. Amma söyləməyə utandığım şeylərlə qarşılaşdım.”

Hikmət Həsənov
Ölkə.Az