Kafedə güclü partlayış: Ölənlər var
FHN-dən "Ölkə.Az"a verilən məlumatda bildirilir ki, Bakı şəhərinin Binəqədi rayonunda ümumi sahəsi 25 m2 olan (10 m2 hissəsi daşdan, qalan hissəsi taxta konstruksiyalardan ibarət) tikilinin (çayxana kimi fəaliyyət göstərir) içərisində propan qaz balonu partlayıb.
Nəticədə tikilinin yanar konstruksiyaları yanıb.
Yanğın yerinin kəşfiyyatı zamanı şəxsiyyəti məlum olmayan 2 nəfərin (qadın və kişi) yanmış meyiti yanğınsöndürənlər tərəfindən aşkar edilib.
Daha 2 nəfər (İbrahimov Natiq Zahid oğlu, 44 yaş; İbrahimova Şəkər Xosrov qızı, 53 yaş) yanğınsöndürənlər hadisə yerinə çatana kimi xəstəxanaya aparılıb.
Hadisə ilə əlaqədar müvafiq qurumlar tərəfindən təhqiqat aparılır.
Əlavə məlumat veriləcək.
***
Bakıda kafedə partlayış nəticəsində iki nəfər ölüb.
"Ölkə.Az" xəbər verir ki, ölən şəxslərin meyitləri tanınmaz haldadır.
Xəsarət alanların sayı barədə məlumat dəqiqləşdirilir.
Təcili yardım maşını ilə bədəninin müxtəlif nahiyələrinin yanıq xəsarətləri ilə Əziz Əliyev adına Cərrahiyyə Klinikasının Yanıq Mərkəzinə aparılıb.
***
Bakıda kafedə partlayış olub, xəsarət alanlar var.
“Ölkə.Az”ın Report-a istinadən verdiyi xəbərə görə, hadisə Binəqədi rayonunda, “Elite” ticarət mərkəzinin yaxınlığındakı avtomobil ehtiyat hissələrinin satıldığı bazarda yerləşən kafedə qeydə alınıb.
Hazırda yaralılar “Təcili yardım”la xəstəxanaya aparılır.
