Vahid Əhmədov: “İşğalçı Ermənistan Azərbaycan Prezidentinin şərtlərini qəbul etməzsə, onları acı tale gözləyir”
Bunu “Ölkə.Az”a açıqlamasında millət vəkili Vahid Əhmədov deyib.
Onun sözlərinə görə, son günlərdə iki dəfə humanitar atəşkəs elan olunsa da, hər ikisində bu atəşkəsi pozan tərəf təcavüzkar Ermənistan olub. “Birinci dəfə humanitar atəşkəs elan olunandan bir neçə saat sonra Gəncəni ballistik raketlərlə bombalayaraq hərbi cinayət törətdi. Nəticədə 10 nəfər dünyasını dəyişdi, 40-dək insan isə yaralandı. Çoxsaylı binalar xəsarət alıb, dağıdıldı. Gəncənin ikinci dəfə bombalanması nəticəsində isə 14 nəfər dünyasını dəyişdi, 50-dək insan yralandır. İkinci dəfə atəşkə elan olunadan sonra da atəşkəsi pozan qəsbkar Ermənistan Azərbaycanın digər rayon və şəhərlərini hədəf seçərək dinc insanları qətlə yetirir. Bununla azğın düşmən öz terrorçu, faşist mahiyyətini ortaya qoyaraq bir daha dünyaya öz xislətini göstərdi. Onların əlindən bundan başqa iş gəlmir”- millət vəkili qeyd edib.
Millət vəkili onu da əlavə edib ki, uğursuzluğa düçar olan düşmən bu günkü hakimiyyəti, başda Paşinyanı ölkəsində faktiki küncə sıxışdırıblar: “Hazırda Paşinyan və komandası çox pis vəziyyətlə üzləşib. Düşmən ölkədə ictimai-siyasi vəziyyət həddən artıq ağırdır. İndiki hakimiyyətin devrilməsi məsələsi gündəmdədir. Ali Baş Komandan cənab İlham Əliyevin rəhəbrliyi altında ordumuzun həyata keçirdiyi uğurlu sülhəməcburetmə və xilaskarlıq əməliyyatları düşmən ölkəni həddən artıq narahat edir. Ali Baş Komandan oktyabrın 20-də Zəngilan şəhəri daxil olmaqla həmin rayonun, Cəbrayılın, Xocavəndin, Fizulinin bir sıra kəndlərinin işğaldan azad olunmasını elan etdi. Azərbaycanın qələbləri düşməni əndişələndirdiyindən belə şərəfsiz hərəktələrə əl ataraq dinc əhaliyə qarşı hərbi cinayətlər törədirlər. Dinc əhalinin yaşadığı əraziləri bomdardman edərək hərbi cinayətlər törədirlər. Amma bütün bunlara rəğmən Ali Baş Komandan İlham Əliyevin rəhbərliyi altında Azərbaycan ordusu uğurlu xilaskarlıq əməliyyatını davam etdirir və işğal altında olan torpaqları işğaldan azad edir”.
Həyata keçirilən hərbi əməliyyatların çox mürəkkəb coğrafi və dağ şəraitində keçdiyini qeyd edən millət vəkili bildirib ki, bu cür çətin və mürəkkəb əməliyyat şəraitinə baxmayaraq qəhrəman ordumuz qarşısında duran hədəflərin öhdəsindən uğurla gəlməkdədir: “Hedsab edirəm ki, Azərbaycan ordusu yaxın vaxtlarda Laçın, Şuşa, Xankəndi, Ağdam , Kəlbəcər və digər işğla altında olan ərazilərimizi işğaldan azad edəcək. Həmin ərazilərdə Azərbaycan bayraqları ucalacaq. Buna çox qalmayıb. Bunun üçün müəyyən qədər vaxt lazımdır.
Burada ən əsas məqam ondan ibarətdir ki, Azərbaycan cəmiyyəti bütövlükdə Ali Baş Komandanın ətrafında sıx birləşərək, onun bu istiqamətdə yürütdüyü siyasəti tam dəstəkləyir. Azərbaycan cəmiyyəti Vətən müharibəsinin qələbə ilə başa çatması üçün əlindən gələni edir. Bu bizdə qələbə əzmini daha da artırır. Odur ki, Vətən müharibəsinin uğurla davam etdirilməsində Ali Baş Komandan İlham Əliyevin müstəsna rolu var.
Cənab Prezidentin xarici telekanallara və media orqanlarına verdiyi müsahibələrini bu baxımdan çox yüksək dəyərləndirirəm. Bu müsahibələr Azərbaycanın haqq-ədalət uğrunda apardığı mübarizənin dünya ictimaiyyətinə çatdırılması, erməni yalanlarının ifşa olunması baxımından çox vacibdir. Bundan əlavə olaraq Azərbaycan həqiqətlərinin dünya çatdırılmasında Türkiyə və bu ölkənin rəhbərliyi, xüsusən də Prezident Rəcəb Tayyib Ərdoğanın müstəsna rolu var. Ona görə də bütövlükdə Türkiyə cəmiyyətinə və ölkə rəhbərliyinə minnətdarlığımı bildirirəm. Çünki ilk gündən Türkiyə mənəvi və siyasi cəhətdən Azərbaycan dəstək verib və verməkdə davam edir. Türkiyə Böyük Millət Məclisinin sədri Mustafa Şentop oktyabrın 20-də Milli Məclisdə olaraq millət vəkilləri qarşısında çıxış edərək Azərbaycanın haqq mübarizəsində sonadək yanında olacağını bəyan etdi. Milli Məclisin sədri Sahibə xanım Qafarova da bəyan etdi ki, Ali Baş Komandanın işğal altında olan Azərbaycan torpaqlarının sonadək işğaldan azad olunmasında qətiyyətlidir və bununla bağlı siyasi iradə ortadadır.Azərbaycanın əsas məqsədi işğal altında olan torpaqları işğaldan azad etməkdir”.
Millət vəkili hesab edir ki, müharibənin uzanmasından ən çox əziyyət çəkən tərəf işğalçı Ermənistan olacaq: “Çünki müharibəni aparmaq üçün böyük maliyyə vəsaiti tələb edir, Ermənistanın isə nə belə maliyyə imkanı, nə də iqtisadi gücü var. Təkcə Azərbaycan ordusunun həyata keçirdiyi xilaskarlıq əməliyyatı nəticəsində düşmənin 2 milyard dollarlıq hərbi texnikası, silah-sursatı məhv edilib. Bu rəqəm iqtisadi cəhətdən çox pis vəziyyətdə olan qəsbkar Ermənistan üçün çox böyük rəqəmdir. Təsəvvür edin, bu ölkənin 6 milyard dollar xarici borcu, 13 milyard dollara yaxın isə Ümumi Daxili Məhsul həcmidir. Bu çox pis göstəricidir. Odur ki, işğalçı dövlət çox pis problemlə üzləşib.
Düzdür, işğalçı Ermənistana yardım edən dövlətlər ona həm silah, həm də insanı baxımdan dəstək verirlər. Amma bunların hamısı müvəqqətidir. Artıq dünya da, onu dsətəkləyən dövlətlər də başa düşür ki, Azərbaycan bu müharibədə qalibdir. Azərbaycan tərəfinin bununla bağlı qətiyyətli mövqeyi ortadadır. Atəşkəs və ya hərbi qarşıdurma o zaman ola bilər ki, işğlaçı ölkə öz qoşunlarını işğal etdiyi Azərbaycan torpaqlarından çıxarsın. Cənab prezidentin də dediyi kimi, ancaq bundan sonra digər məsələlərə baxıla bilər. Əgər işğalçı Ermənistan Azərbaycan Prezidentinin irəli sürdüyü şərtləri yaxın günlərdə qəbul edib, əməl etməzsə, o zaman bu işğalçı ölkəni acı tale gözləyir və bir dövlət kimi gələcək varlıqları sual altında qalacaq”.
Mürtəza
Ölkə.Az
