Manukyandan acı ETİRAF: “Artıq Ermənistanı heç kim saya salmır”

Bütün cəbhələrdə uduzan Ermənistanla artıq heç kim hesablaşmır və onu saya saymırlar.

“Ölkə.Az” xəbər verir ki, bunu Ermənistan müxalifətinin baş nazir postuna namizədi Vazqen Manukyan Gümridə mitinqdə çıxışı zamanı deyib.

Onun sözlərinə görə, Azərbaycanla müharibədə 4500 nəfər ölüb, 10 mindən artıq insan isə əlil olub. “Qarabağda böyük ərazi itirilib, Ermənistanın cənub Zəngəzurda (Syunik), Tavuşda və digər ərazilərdə ciddi təhlükə mövcuddur.Ermənistana böyük miqdarda ziyan dəyib. Bununla belə daxili və iqtisadi problemlər, xarici siyasətdə çoxsaylı çətinliklər yaranıb. Artıq Ermənistanla heş kim hesablaşmır, iqnor edir, əhəmiyyətsiz bir ölkə kimi yanaşırlar”- Manukyan qeyd edib.

Manukyan Ermənistanın üzləşdiyi bu vəziyyətə görə mövcud Paşinyan hakimiyyətini ittiham edərək, satqınçılıqda günahlandırıb: “Paşinyanın uzaqgörməyən siyasəti, müdrikliyinin olmaması, dövlətçilik təfəkkürünün olmamasından biz bügünkü fəlakətə gətirib çıxardı”.

Mürtəza
Ölkə.Az