xa0Gəncədə qanlı cinayət: Ər arvadını öldürmək istəyib
Gəncə şəhərində arvadını xüsusi amansızlıqla öldürməyə cəhd etməkdə təqsirli bilinən Bəxtiyar Məcidlinin cinayət işi üzrə ibtidai istintaq başa çatıb.
“Ölkə.Az” xəbər verir ki, cinayət işinin materialları baxılması üçün Gəncə Ağır Cinayətlər Məhkəməsinə göndərilib.
Cinayət işi hakim Elmin Rüstəmovun icraatına verilib.
İş üzrə məhkəmə hazırlıq iclası iyunun 1-nə təyin olunub.
İttihama görə, hadisə bu ilin fevralın 4-də Yeni Gəncə yaşayış massivində qeydə alınıb. 1997-ci il təvəllüdlü Aytac Məcidli çoxsaylı bıçaq xəsarətləri ilə xəstəxanaya yerləşdirilib. 10 bıçaq xəsarəti alan qadın dərhal əməliyyat olunub.
Qadın həyat yoldaşı Bəxtiyar Məcidli tərəfindən bıçaqlandığı məlum olub.
İstintaq orqanı tərəfindən Bəxtiyar Məcidlinin barəsində Cinayət Məcəlləsinin 29,120.2.4-cü (xüsusi amansızlıqla və ya ümumi təhlükəli üsulla adam öldürməyə cəhd) maddəsi ilə ittiham elan edilib.
Ölkə.Az
