Fuad Poladovun məşhurlaşan videosu: hansı suala cavab vermək istəməyib? - VİDEO

Mərhum aktyora hansı sualın ünvanlanmasından asılı olmayaraq sosial şəbəkə istifadəçiləri onun videosunu özlərinə məxsus şəkildə paylaşaraq cavabsız qoymaq istəyi suala reaksiyalarını belə ifadə edirlər. 

Ölkə.Az Fuad Poladovun sağlığında ikən bu reaksiyasına səbəb olmuş dialoqu təqdim edir.

Jurnalistin əvvəcə ona "kaprizlisinizmi" sualına "xeyr, sadəcə, mən özümü xarakterli adam hesab edirəm" deyib. Ardınca isə bildirib ki, xaraktersiz adamları qətiyyən qəbul etməyib: "Əməlləri ilə dedikləri düz gəlməyən, bir-biri ilə uzlaşmayan adamları xaraktersiz adam hesab edirəm".

Onun bu çıxışının ardınca isə jurnalistin ona verdiyi növbəti suala isə trendə düşmüş reaksiyanı verir. Belə ki, "teatrda daha çox xarakterli, yoxsa xaraktersiz aktyorlar var" sualına 3 dəfə "nə gözəl sualdır" deyib. Lakin aktyor bunu cavabsız qoyacağını söyləyib.

Xatırladaq ki, Azərbaycan SSR xalq artisti Fuad Poladov 2018-ci ildə xərçəng xəstəliyi səbəbindən vəfat edib.

Ölkə.Az