Baş travmatoloq: “Bizdə yol qəzaları ilə bağlı ölüm sıfıra bərabər olmalıdır”
“Ölkə.az” xəbər verir ki, bunu Səhiyyə Nazirliyinin baş travmatoloqu İlqar Qasımov Ortopediya və travmatologiya sahəsindəki ağır əməliyyatlardan danışarkən deyib.
“Çünki daxili orqanlar var və multidissplinar yanaşma tələb edir. Ümumi cərrahla, uroloqla yanaşı aparılmalı əməliyyatlar sırasındadır. Süni oynaq əməliyyatları qısa zaman çəksə də çox dəqiqlik və həssaslıq tələb edən əməliyyatlar arasındadır. Əl, mikrocərrahiyyə 17 saata bərabər əməliyyatlardır və həkim bir bir damarları tikir. Travmatologiya və ortopediya çox bahalı və çətin sahədir” - baş travmotoloq bildirib.
İ.Qasımov yol qəzaları nəticəsində baş verən qalıcı travmalar və ölüm hallarından məyus olduğunu söyləyib:
“Düşünürəm ki, yol hərəkət qanunları, sürət həddi ölkəmizdə çox yaxşı tənzim olunub. Niyə bizə müraciətlər bu ehtiyatsızlıqdan olamlıdır. Bizdə yol qəzaları ilə bağlı ölüm sıfıra bərabər olmalıdır. Təəssüf ki, ölkəmizdə yol qəzalarından hər 100 min nəfərdən 2018-ci ildə 79, 2019-cu ildə isə 83 nəfər dünyasını dəyişən insan olub”.
