Xarici pivə şirkəti Azərbaycanda yarım milyon manat qazandı

“Ölkə.az”ın məlumatına görə, bu, 2019-cu ilin yekunları ilə müqayisədə 44,8% çoxdur. Belə ki, şirkətin 2019-cu il üzrə xalis mənfəəti 317,164 min manat olmuşdu.

Belə ki, “Bakı-Pivə” ASC-nin 2020-ci il üzrə ümumi əməliyyat gəlirləri 637,389 min manat, ümumi əməliyyat xərcləri 137,635 min manat olub. Şirkət 70,222 min manat mənfəət vergisi ödəyib, 29,728 min manat təxirə salınmış vergi aktivini isə geri qaytarıb.

Şirkətin cəmi aktivləri il ərzində 319,924 min manat və ya 11,1% azalaraq 2020-ci ilin yekununda 2,562 mln manat, cəmi ödəlikləri 4 dəfədən çox azalaraq 1,021 mln manatdan 241,604 min manata düşüb.

Nizamnamə kapitalı 2,471 mln manat olan “Bakı-Pivə” ASC-nin bölüşdürülməmiş zərəri 150,351 min manat olub. Nəticədə şirkətin cəmi kapitalı illik müqayisədə 24,7% artaraq 2020-ci il 31 dekabr tarixinə 2,320 mln manat təşkil edib.

Keçmiş Xırdalan Pivə Zavodu olan "Bakı-Pivə" ASC-nin əmlakı "Carlsberg Azerbaijan" MMC-nin (əvvəlki "Baltika Bakı" MMC) icarəsindədir. "Carlsberg Azerbaijan" şirkəti mənzil-qərargahı Danimarkanın paytaxtı Kopenhagen şəhərində yerləşən “Carlsberg Group”a məxsusdur. "Bakı Pivə" ASC-nin də səhm nəzarət paketi “Carlsberg Group” şirkətinə məxsusdur. Pivə istehsalı və satışı ilə "Carlsberg Azerbaijan" şirkəti məşğul olur. Bu səbəbdən gəlirin böyük hissəsi bu şirkət tərəfindən götürülür.

Qeyd edək ki, “Bakı-Pivə” ASC 1999-cu ildə dövlət qeydiyyatına alınıb və qanuni təmsilçisi Viacheslav Maltsevdir. 

Könül

Ölkə.az