Prezident Qarabağda savaşan vergi rəisini təltif etdi

Azərbaycan Prezidenti Cənab İlham Əliyev Silahlı Qüvvələr günü ərəfəsində torpaqlarımızın işğaldan azad olunmasında  fəal iştirak edib, qəhrəmanlıq nümayiş etdirən hərbçilərimiz və əsgərlərimizin təltif edilməsi haqqında Sərəncam imzalayıb.

İkinci Qarabağ müharibəsində qəhrəmanlıq dastanı yazan əsgər və zabitlərimiz arasında ən müxtəlif sahələrdə çalışan  insanlar yer alıb. Minlərlə insan könüllü və səfərbərliyə cəlb olunmaqla  torpaqlarımızın işğaldan azad olunamsında  qəhrəmanlıq nümayiş etdirərək,  Vətən qarşısında öz övladlıq borclarını layiqincə yerinə yetiriblər. Kimisi bu yolda şəhidlik zirvəsinə yüksəldi, kimisi də sağ qalıb qazi oldu.

Bu döyüşlərdə sadə vətəndaşla yanaşı, dövlət qulluğunda yüksək vəzifə tutanlar da az deyildi.  Bunlardan biri də Füzuli rayonu Vergi İdarəsinin rəisi Aqil Atakişiyevdir. Bu Aqil Atakişiyevdir ki, atası Atakişi Atakişiyev 1990-cı illərin əvvəlində Xocalının ilk prokuroru olub.

3 uşaq atası olan Aqil Atakişiyev Vətən müharibəsi zamanı Füzuli, Hadrut, Zəngilan, Qubadlı  uğrunda gedən döyüşlərdə iştirak edib. Cənab Ali Baş Komandan, Prezident İlham Əliyev onu döyüşlərdə göstərdiyi şücaətə görə “Xocalının işğaldan azad olunmasına görə” və “Cəsur döyüşçü” medalı ilə təltif edib.

Mürtəza
Ölkə.Az