Ronaldodan cənubi azərbaycanlıya: "Sizin kimi nəhəng birindən..."
Portuqaliyanın ulduzu Kristiano Ronaldo cənubi azərbaycanlı veteran futbolçu Əli Dayinin onun haqda sözlərinə münasibət bildirib.
"Ölkə.az"ın məlumatına görə, 36 yaşlı hücumçu İran yığmasının sabiq futbolçusuna təşəkkür edib.
"Həqiqi çempionlar daim çempion kimi qalır. Sizin kimi nəhəng birindən bu sözləri oxuduğum üçün qürur duyuram. Çox sağ ol, Əli Daei".
Qeyd edək ki, Ronaldo Əli Dayinin milli komandada vurulan qol sayı üzrə beynəlxalq rekorduna şərik çıxıb (109 qol - ölkə.az). Cənubi azərbaycanlı keçmiş oyunçu bu münasibətlə onu təbrik edib.
