Eyni stəkandan su içilir, bir qabda əllər yuyulur, toz qatı bədəndə palçığa çevrilir - FOTOLAR

Lahorun 14 milyon əhalisi var. Zavod və fabriklərin bacalarından, nəqliyyat vasitələrindən çıxan zərərli qazlar, məişət tullantılarının küçələrə atılması şəhərin çirklənməsinə səbəb olur. 

Ölkə.Az xəbər verir ki, şəhərdə park edilən motosikletlərin üstünü 1-2 saat ərzində toz qatı örtür, bazarda çalışanlar satdığı məhsulların tozunu  tez-tez təmizləməyə məcbur qalır.

Bu, havanın qoxusunda da özünü göstərir. Həmçinin qoruyucu maskalar da qısa müddətdə çirklənir. İnsanların canına hopan toz kütləsi tərlədikdən sonra palçığa da çevrilir.
Lahorda bir gün yaşamaq 15 ədəd siqaret çəkməyə bərabərdir.

Şəhərin müxtəlif yerlərində məişət tullantılarını görmək mümkündür. Belə ki, insanların sıx olduğu ərazilərdə hərəkətin məhdudlaşdırılmaması səbəbindən zibil qutuları qoyulmur. Bunun nəticəsi olaraq bəzi yaşayış binalarında məişət tullantısı eyvanlardan atılır. Kanalizasiya sistemi üstü açıq arx şəklində hazırlanıb.

Bazarlarda ət məhsulları satılan yerlərdə gigiyenik qaydalara bir o qədər də önəm verilmir. 
Şəhərin bəzi hissələrində ipə bağlanmış dəmir stəkan var ki bundan su içmək üçün ortaq istifadə edilir. Stəkanlar ara-sıra yerə düşsə də, yerinə qoyulur və heç nə olmamış kimi içindən su içilir.

Lahorun az qala hər yerində başınızı qaldırdığınızda havada qartalların dövrə vurduğunu görmək mümkündür. Şəhərdə siçanların sayı çox olduğu üçün bunlarla və məişət tullantıları ilə qidalanmaq üçün buradadırlar. 

Səyyar satıcılardan yemək alan şəxslər əllərini ümumi su qabında yaxalayırlar.

Şəhərin çirkli olması iqtisadiyyata da mənfi mənada təsirsiz ötüşməyib. Məsələn, 2017-ci ildə bu səbəbdən dövlət büdcəsindən 47,8 mlrd. dollar xərclənib.

Pakistan hökuməti şəhərdə çirkliliyin azaldılması üçün bir sıra tədbirlərə əl atıb. Belə ki, ölkə vətəndaşlarına ictimai nəqliyyatdan istifadə olunması, avtomobilləri varsa, səyahəti digərləri ilə paylaşmaları təşviq edilir. 

Bundan əlavə, ötən il Pakistanda köhnə üsulla işləyən 1718 kərpic istehsal edən mərkəzləri, 2658 fabriki bağlanılıb, 11 782 yararsız nəqliyyat vasitəsi müsadirə edilib, 542 nəfər isə ətraf mühitə zərər vermək ittihamı ilə saxlanılıb.

Ölkə.Az