Bu şəhərdə metronun 424 stansiyası var: 21 saatlıq metro səyahəti

Ölkə.Az dünyanın müxtəlif şəhərlərindəki “ən”lərə malik metro xətlərinin siyahısını hazırlayıb.

1.424 stansiya

Dünyanın ən vacib maliyyə mərkəzlərinin başında gedən Nyu York eyni zamanda ən uzun metro şəhəridir. Bir çox film səhnələrinin də çəkildiyi Nyu York metrsou dünyada ən çox stansiyası olan metro xəttidir. Nyu York metrosu nə az, nə də çox düz 424 stansiyadan ibarətdir. Belə ki, hər stansiya arasındakı intervalı təxminən 3 dəqiqə hesablasaq, başlanğıc nöqtədən sona çatmaq üçün 21 saatdan çox metro səyahəti sizi gözləyir.

2.Ən şimaldakı stansiya

Dünyanın ən sakit şəhərlərindən olan və təbii gözəlliyi ilə diqqət çəkən Finlandiya metrosu da “ən”lərdəndir. Belə ki, Helsinkidə 1989-cu ildə açılan "Mellunmaki" stansiyası dünyanın ən şimalındakı metro stansiyasıdır.

3. Ən cənubdakı stansiya

Dünyanın ən gözəl şəhərlərindən olan Buenos-Ayresdə 1986-cı ildə fəaliyyətə başlayan “Plaza de los Virreyes” da dünyanın ən cənubundakı metro stansiyası adını daşıyır.

4. Ən gözəl stasiyalar.

Rusiyanın paytaxtı Moskvadakı tarixi metro xətti bir-birindən gözəl stansiyaları ilə diqqət çəkir.

Moskvada " Rublyovo-Arkhangelskaya" xətti

"Koltsevaya" xətti

"Taganskaya" stansiyası

5. Ən qədim metro

İngiltərənin paytaxtı Londondakı metro xətti dünyanın ən qədim yeraltı nəqliyyat vasitəsidir. 11 xətt və 270 stansiyadan ibarət metro xətti 1863-cü ildə açılıb.

6. İkinci ən qədim metro

Dünyada iki qitədə yerləşən yeganə şəhər olan Türkiyənin İstanbul şəhərində salınan metro da Londondan sonra dünyanın ən qədim metrosu adını daşıyır. Belə ki, İstanbul metrosunun əsası 1869-cu ildə fransız mühəndis tərəfindən qoyulub.

7.Ən dərin

Dünyanın ən dərin metrostansiyası isə 1960-cı ildə Ukraynanın paytaxtı Kiyev şəhərində inşa edilib. Yerdən 105.5 metr dərinlikdə tikilən metro stansiyasına düşüb çıxmaq xeyli vaxt aparır.

8.Ən çox sərnişini olan

Tokyo isə 30 milyon sakini ilə dünyanın ən çox sərnişini olan metro stansiyasınna ev sahibliyi edir. 179 stansiyası olan Tokyo metropolitenindən 2017-ci ildə 3.5 milyard insan istifadə edib.

9.Mədəni sərvət

Macarıstanın paytaxtı Budapeştdə inşa olunan metro xətti də qədimliyinə görə London və İstanbuldan sonra gəlir. 1896-cı ildə istifadəyə verilən M1 xətti dünyada UNESCO mədəni sərvət siyahısına daxil edilən yeganə metro xəttidir.

10. Bakı metropoliteninin nadirliyi

“Bakı Metropoliten”i isə 1967-ci ildə fəaliyyətə açılıb. Ümumi uzunluğu təxminən 40 km olan 3 xəttdən, 26 işləyən və dörd tikilən stansiyadan ibarətdir. Tunel tikililərinin ümumi uzunluğu 17.1 kilometrdən artıqdır. Bakı metropoliteninin nadirliyi bundan ibarətdir ki, onun xətləri təpəlik ərazidə yerləşən şəhərin bir-biri ilə kəsişən relyefi üzrə salınıb. Burada 60% və 40%-minlik mailliklər və kiçik radiuslu çox saylı əyrilər mövcuddur. "Bakı Metropoliteni" Xətlərinin Konseptual İnkişaf sxeminə əsasən gələcəkdə 5 xətdən, 76 stansiyadan ibarət olacaq. Perspektivdə 50 yeni stansiyanın inşa edilməsi nəzərdə tutulub.

"Nizami" stansiyası