Azərbaycanlı həkim koronavirusun böyrəkdə yaratdığı fəsadları açıqladı

Ölkə.az xəbər verir ki, bu sözləri Səhiyyə Nazirliyinin mütəxəssisi, Azərbaycan Tibb Universitetinin Urologiya kafedrasının doktorantı Araz İbrahimov deyib.
“Hər hansı bir COVID xəstəsi sağlam gənc insan olsa belə (bildiyimiz kimi ən çox 30-78 yaş aralığındakı şəxslərə təsir edir), xəstəlik zamanı aparılan müalicələr zamanı ciddi dərman terapiyası gedir. Bəzən müalicə alan insanlar gündəlik 20-25 tabletka içə bilir. Virusa qarşı bu dərmanlar “zərbə dozaları” adlanır.  Bunların da hamısı orqanizmdən böyrək və qaraciyər vasitəsilə xaric olunur.  Əsasən, böyrəklər bu zaman zədələnir.  Ona görə daim qan və sidik analizi ilə buna nəzarət edirik. 

Digər tərəfdən yayılmış pnevmaniya öz-özlüyündə bədəndə oksigen miqdarını azladır. Bədənimiz normal oksigenləşmir. Normal xəstələrdə olan kliniki boğulma  elə bu özünü o formada göstərir ki,  orqanlarımızda da oksigen çatışmır. Bu cəhətdən böyrəklərdə ikincili zədələnmə baş verir. COVID həmçinin qan laxtalanma prosesində ciddi problem yaradır. Həmçinin bu da böyrəyimizi zədələyir”, - deyə o söyləyib.

Billurə Yunus