Bu ölkə koronavirusdan sonra normal həyata qayıdır
Danimarka 2 həftə ərzində pandemiyanı bitirərək, normal həyata qayıdacaq.
Ölkə.Az xarici KİV-ə istinadla xəbər verir ki, danimarkalı rəsmilər artıq koronavirusu "kritik təhdid" adlandırmayacaqlarını açıqlayıb.
Danimarkanın səhiyyə naziri Maaqnus Heynayk epidemiyanın nəzarət altında olduğunu açıqlayıb.
Əhalisinin 70%-dən çoxunu peyvəndləyən Danimarka vəziyyəti yaxından izləyəcək və təhdid geri dönərsə, yenidən məhdudiyyətlər tətbiq edəcək.
Qeyd edək ki, Danimarkada 2020-ci ilin martından məktəblər və məcburiyyəT olmayan iş yeləri bağlanılmışdı. Bu ölkə küçəyə çıxmağı qadağan edən ilk ölkələrdən biri olub.
Artıq bir neçə həftədir ki, Danimarkada ictimai nəqliyyatda tibbi maskadan istifadə ilə bağlı qayda ləğv edilib. Danimarkada fevraldan bəri koronavirusa görə ölənlərin sayı 5 nəfəri keçməyib.
Billurə Yunus
