Amerikalı katolik keşiş İslamı qəbul etdi - FOTO

ABŞ katolik keşişi professor, doktor Kreyc Viktor Fenter Mevlana Celaleddin Rumi və onun təlimlərindən təsirlənərək İslamı qəbul edib və özünə İsmail adını götürüb.

“Ölkə.Az” “Anadolu”ya istinadən xəbər verir ki, 1955-ci ildə ABŞ-ın Şimali Karolina əyalətində anadan olan və Los-Ancelesdə böyüyən Fenter, ailənin istəyi ilə katolik məktəbinə gedərək keşiş olub.

Kilsədə təxminən 10 il işləyən Fenter bu müddət ərzində akademik təhsilinin sonunda professor olaraq universitetlərdə dini təhsil verməyə başlayır.
 
İnancı ilə əlaqədar aldığı təhsilə baxmayaraq daxilində bir boşluq hiss edir və axtarışa çıxır. 

2004-cü ildə ABŞ-da olan Mövlananın 22-ci nəsildən olan nəvəsi Esin Çelebi Bayru ilə tanış olur. Mövlana və İslam haqqında ilk məlumatları ondan almağa başlayan Fenter 2005-ci ildə Bayrunun dəvəti ilə Konyada Seb-i Arus mərasimlərini izləməyə gəlir. 

Konyada ona deyilənlərdən, səma ayinlərinin təsirindən və mərasimlərdəki mənəvi atmosferdən çox təsirlənən Fenter 2006-cı ildə İslamı qəbul edir.

İki ay bundan öncə isə mərasimlərdə tanış olduğu "Mevlevi babası" Nadir Karnıbüyükdən İslam və Mevlevilik mövzusunda da dərs alan Fenter Mövlanaya daha yaxın olmaq və Mevlevilik  haqqında daha çox öyrənmək məqsədi ilə Konyaya köçür.
 
Fenter bunu deyib: “Mevlana yolu, Məhəmməd yoludur. Bunun həqiqət olduğunu bildiyim üçün müsəlman oldum”.

Mürtəza
Ölkə.Az