Bələdiyyə sədri və həyat yoldaşını öldürən şəxs həbs edildi

Xatırladırıq ki, hadisə gecə saatlarında onun yaşadığı Saray qəsəbəsindəki evində baş verib. Cinayətkar bələdiyyə sədrinə hücum edərək onun başını kəsib. Daha sonra onun həyat yoldaşını güllələyən cinayətkar evi yandırıb.

Abşeron Rayon Polis İdarəsindən mətbuata verilən məlumata görə, əməkdaşların keçirdiyi əməliyyat tədbirləri nəticəsində hadisəni törətməkdə təqsirli bilinən 1980-cı il təvəllüdlü Hüseynov Fədai Güloğlan oğlu tutulub. Məlumata görə o, ifadəsi zamanı cinayati törətdiyini etiraf edib.

Fövqəladə Hallar Nazirliyi də gecə Sarayda baş verən yanğınla bağlı rəsmi məlumat yayıb.

Bildirilib ki, Abşeron rayonu, Saray qəsəbəsində vətəndaşa məxsus ümumi sahəsi 350 kv.m olan ikimərtəbəli 8 otaqlı evin birinci mərtəbəsində 1 otaq və əşyaları 20 kv.m sahədə qismən yanıb. Evin qalan hissəsi yanğından mühafizə olunub.

Yanğın səhər saatlarında söndürülüb.

Ölkə.az