İrlandiyada bayraq gerbində və futbol klubunun emblemindəki Türk nişanəsinin ilginc sirrləri - FOTOLAR

Keçək əsas mətləbə...

Necə oldu ki, İrlandiyanın Droqeda şəhər bayrağının gerbində və  “Droqeda Yunayted” futbol klubunun emblemində Osmanlı Türkiyəsinin nişanı əks olunub. İrlandların türklərə sevgisi haradan qaynaqlanır. 

Bunun izahını 170 ildən çox əvvəl baş vermiş bir hekayədə axtarmaq lazımdır.  Daha doğrusu bunun səbəbləri  1845-1849-cu illərdə İrlandiyada “Böyük Qıtlıq” zamanlarına gedib çıxışr. Tarixə “Böyük Qıtlıq” kimi düşmüş bu hadisə İrlandiya tarixindəki ən dağıdıcı hadisələrdən biri olur. Bu illərdə baş verən qıtlıq dağıdıcı epidemiyalara və kütləvi mühacirətə səbəb olur.  Bu müddət ərzində İrlandiyanın əhalisi dörddə bir qədər azalıb. Bir milyondan çox insan aclıqdan ölüb və təxminən 2 milyona yaxın irlandiyalı daha yaxşı həyat axtarışında adadan köçməyə məcbur olub.

O zaman İrlandiya xalqının üzləşdiyi bu ağır durumda dünyada əl uzadan yeganə ölkə Osmanlı dövləti olur.  Belə ki, 23 yaşlı Osmanlı Sultanı Əbdül-Məciddən başqa heç bir ölkə irlandlara kömək etmir.
Sultan irlandlara 10.000 funt sterlinq həcmində yardım təklif etdikdə, İngilis diplomatları yalnız 2.000 ₤ ianə verən Kraliça Viktoriyanı incitməmək üçün bu rəqəmi ₤ 1.000-a endirməyi məsləhət görürürlər.
Sultan Əbdül-Məcid bu təklifi qəbul etsə də, bununla kifayətlənməyib aclıq çəkən insanlara kömək etmək üçün başqa bir yol tapır. 
Osmanlı sultanı 1847-ci ilin mayında aclıq çəkən irlandlar üçün gizli şəkildə qida yüklü beş gəmi göndərir. Bu jest ingilislərin xoşuna gəlməyib və türk gəmilərinin İrlandiyanın Kork və Belfast limanlarına girməsinin qarşısını almaq üçün hərbi gəmilər göndəriblər. Sonra Sultan yerlilərə ərzaq çatdırmaq üçün başqa liman tapmağı əmr edir. Türkiyə gəmiləri Dublindən 50 km məsafədə olan kiçik Droqeda limanına doğru yollanıb və burada humanitar yükləri boşalda biliblər. Gecə limana girən gəmilər səhərə qədər vaxtlarının olduğuna görə yükləri təcili sahilə boşaltmağa başlayırlar. Osmanlı Türkiyəsinin göndərdiyi bu yardım qıtlıqdan əziyyət çəkən yerli xalqın yaddaşına hopur və unudulmur.
Təbii ki, Sultan  Əbdül-Məcid öz nəcib əməlindən heç bir qarşılıq gözləməyib.
Droqeda sakinləri deyirlər ki, Osmanlı sultanı 1847-ci ilin mayında aclıq çəkən irlandlar üçün gizli şəkildə qida yüklü beş gəmi göndərdikdən sonra bu simvollar qeyri-müsəlman ölkəsində minnətdarlıq əlaməti kimi qəbul edilib.
Daha sonra Sultanın köməyi Böyük Britaniya və İrlandiya ictimaiyyəti tərəfindən yüksək qiymətləndirilib. Həmçinin İngiltərənin dini jurnallarından birində “Yaxşı Sultan” adlı məqalə dərc olunur və burada müəllif “İlk dəfə olaraq böyük bir İslam əhalisini təmsil edən müsəlman hökmdar xristian xalqına isti münasibət göstərdi. Qoy aypara və xaç ardıcıllarının bütün sahələrində belə münasibətlər ənənə halını alsın. Bu gün İrlandiyanın Droeda şəhərinin limanı və emblemi, bir qayda olaraq, dünyada müsəlman simvolları ilə əlaqələndirilən aypara və ulduzdan ibarətdir. Yerli Droqeda futbol klubunun loqosu tam eyni simvoldan ibarətdir. 1919-cu ildə yaranan “Drogheda United” futbol klubu da Türklərə olan hörmətin nişanəsi kimi emblemi olaraq ulduzlu aypara seçir. 

1995-ci ildə Droqeda şəhərində xatirə lövhəsi açıldı və üzərində aşağıdakı sözlər həkk olundu: “1847-ci ildə İrlandiyada baş verən “Böyük Aclıq”.  Bu xatirə və nişan Türkiyə xalqının İrlandiya xalqına göstərdiyi səxavətin xatirəsinə və tanınmasına görədir”.