Xaybuladan qələbə şərhi
Bu gün Avropa Oyunlarında 1/4 mərhələyə keçən boksçumuz Xaybula Musalov oyundan sonra təəssüratlarını bölüşüb.
Fransalı Mbilli Assomo-Hallieri 3:0 hesabı ilə məğlub edən idmançımız qələbəsini belə şərh edib:
“Fransadan olan rəqibim güclü idi və özünəməxsus strategiyası vardı. Həm də yaxşı müdafiə olunurdu. Buna baxmayaraq yaxşı döyüşdüm və qalib gəldim.
İnşallah məqsədim Azərbaycan bayrağını qaldırmaqdır. Mən özüm Dağıstandanam amma Azərbaycanı təmsil etməkdən qürur duyuram. Azərbaycan mənə çox şey verib və buna görə özümü azərbaycanlı kimi hiss edirəm.
Digər tərəfdən mən azarkeşlərə təşəkkür edirəm. Onlar yaxşı dəstək oldular və bu, mənə güc verdi”.
Xaybula əsas məqsədinin Azərbaycan bayrağını qaldırmaq olduğunu, bunun üçün Azərbaycanın dövlət himnini öyrənməyə çalışacağını deyib. (qafqazinfo)
Ölkə.Az
