Keçmiş arvadını amansızlıqla öldürən şəxsə hökm oxunub
Gəncə şəhərində keçmiş arvadını öldürməkdə təqsirli bilinən Qafar Amanovun cinayət işi üzrə məhkəmə prosesi başa çatıb.
"Ölkə.Az" xəbər verir ki, Gəncə Ağır Cinayətlər Məhkəməsinin hakimi Dadaş İmanovun sədrliyi ilə keçirilən prosesdə təqsirləndirilən şəxsə hökm oxunub,
Məhkəmənin hökmü ilə o,17 il müddətinə azadlıqdan məhrum edilib.
Qeyd edək ki, hadisə ötən ilin mayında Gəncə şəhərində qeydə alınıb.
Belə ki, Q.Amanov şəxsi münasibətlər zəminində aralarında yaranan mübahisə zamanı keçmiş həyat yoldaşı Günay Amanovanı bıçaqla çoxsaylı xəsarətlər yetirərək öldürüb.
Daha sonra o, şübhəli şəxs qismində tutularaq istintaqa cəlb edilib.
Q.Amanovun barəsində Cinayət Məcəlləsinin 120.2.4-cü (Qəsdən adam öldürmə, xüsusi amansızlıqla və ya ümumi təhlükəli üsulla adam öldürmə) maddəsi ilə ittiham irəli sürülüb.
