36 yaşlı yeni nazir müavini kimdir? - DOSYE
Xəbər verdiyimiz kimi, Prezident İlham Əliyevin imzaladığı sərəncamla Qurbanov Aqil Səlim oğlu müdafiə nazirinin müavini vəzifəsinə təyin olunub.
Ölkə.Az A.Qurbanovun dosyesini təqdim edir:
Aqil Qurbanov bu vəzifəyə gəlməzdən əvvəl uzun müddət özəl sektorda işləyib. Belə ki, 1986-cı il təvəllüdlü A.Qurbanov daha əvvəl “PASHA Holding” MMC-yə daxil olan “PASHA İnvestments” MMC-də çalışıb.
O, daha sonra “Sumqayıt Texnologiyalar Parkı” MMC-nin Müşahidə Şurasının sədri vəzifəsini tutub.
Məlumata görə, A.Qurbanov ən son Azərbaycan Respublikası Prezidentinin Zəngilan rayonu üzrə Xüsusi Nümayəndəliyinin əməkdaşı kimi fəaliyyət göstərib.
Yeni nazir müavini ötən gün Ümummilli Lider Heydər Əliyevin anım günü ilə əlaqədar Müdafiə Nazirliyinin rəhbər heyətinin tərkibində Fəxri xiyabanı ziyarət edib.
