Neft bahalaşmaqda davam edir
Neft qiymətləri ardıcıl dördüncü gün bahalaşma nümayiş etdirib.
"Ölkə.Az" xəbər verir ki, buna səbəb ABŞ-da tətil mövsümü ilə bağlı səyahətlərin artacağı vaxtda xam neft, təyyarə yanacağı və digər ehtiyatların azalması olub.
Belə ki, "Brent" markalı neft fyuçersləri 0,44 dollar və ya 0,54% bahalaşaraq 82,64 dollara yüksəlib. Əvvəlki sessiyada isə təqribən 2,7% dəyər qazanmışdı.
ABŞ-ın Qərbi Texas (WTI) xam neftinin fyuçerslərinin dəyəri isə 0,49 dollar və ya 0,63% artaraq 78,78 dollar/barelə çatıb.
Məlumata əsasən, ABŞ-ın xam neft ehtiyatları dekabrın 16-da bitən həftədə 5,89 milyon barel azalma nümayiş etdirib ki, bu da hər iki neft markasının dəyər qazanmasına səbəb olub.
Könül
Ölkə.Az
