Rusiyanın açıqlamaları nefti bahalaşdırıb

"Ölkə.Az" xəbər verir ki, "Brent" markalı neftin dəyəri 0,66 dollar və ya 0,8% artaraq 1 bareli 81,64 dollara çatıb.

ABŞ-ın Qərbi Texas (WTI) nefti isə 0,78 dollar və ya 1% bahalaşaraq 78,27 dollara satılıb.

Sessiyanın əvvəlində müvafiq olaraq 82,17 və 78,77 ABŞ dolları həddinə çatmış hər iki müqavilə (Brent 3,3%, WTI 5,4%) bahalaşaraq ardıcıl ikinci həftə dəyər qazanıb.

Treyderlərin fikrincə, dekabrın 5-dən etibarən Avropa İttifaqı və G7 ölkələri sanksiyalar tətbiq etdikdən və Rusiya xam neftinə qiymət həddi tətbiq etdikdən sonra Rusiyanın Baltikyanı neft ixracı dekabrda əvvəlki ayla müqayisədə 20% azala bilər.

"Rusiya 2023-cü ilin əvvəlində neft hasilatını 5-7% azalda bilər, çünki rəsmi Moskva xammal və neft məhsullarına qiymət məhdudiyyətlərinə həmin ölkələrə satışı dayandırmaqla cavab verir", - deyə Rusiyanın baş nazirinin müavini Aleksandr Novak deyib.

Könül
Ölkə.Az