648 şəhid ailəsinin biznes qurmasına dəstək göstərilib
Bu il özünüməşğulluq tədbirlərini dəstəkləyən yerli və beynəlxalq tərəfdaşlarla bu tədbirlərin əhatə dairəsinin genişləndirilməsinə dəstək verən digər layihələr də icra edilib.
"Ölkə.Az" xəbər verir ki, bunu Dövlət Məşğulluq Agentliyinin İdarə Heyətinin sədri Mustafa Abbasbəyli 2022-ci ilin yekunlarına dair mətbuat konfransında deyib.
O bildirib ki, 2022-ci ilin 11 ayı ərzində özünüməşğulluq proqramına 16 175 nəfər cəlb olunub.
"Onlardan 3731 nəfəri qadınlar, 648 nəfəri şəhid ailələri, 1 165 nəfəri məcburi köçkünlər, 91-i ünvanlı dövlət sosial yardımı alanlar, 295-i cəzaçəkmə müəssisəsindən azad olanlar, 2410 nəfəri gənclərdir", - deyə M.Abbasbəyli əlavə edib.
Könül
Ölkə.Az
