Bu il 40 mindən çox şəxsin işlə təmin olunacağı gözlənilir
2022-ci ilin yekununda 40 000-dən çox şəxsin Dövlət Məşğulluq Agentliyi vasitəsilə işlə təmin olunacağı gözlənilir.
"Ölkə.Az" xəbər verir ki, bunu Dövlət Məşğulluq Agentliyinin İdarə Heyətinin sədri Mustafa Abbasbəyli 2022-ci ilin yekunlarına dair mətbuat konfransında deyib.
O bildirib ki, cari ilin ilk 11 ayında 36 061 nəfər agentliyi vasitəsilə işlə təmin edilib:
"Onlardan 5 841 nəfəri haqqı ödənilən ictimai işlərə cəlb edilənlər, 718-i sosial iş yerlərinə işə qəbul olunanlar, 848-i kvota üzrə işlə təmin edilənlər, 4019-u peşə hazırlığına cəlb edilənlər, 47 938-i özünüməşğulluq proqramına cəlb edilənlər, 5789-u isizlikdən sığorta ödənişi təyin edilənlərdir", - deyə agentlik sədri deyib.
